Dati a drug surrenderree ti lalaki a nakemmeg iti buy-bust operation idiay Galimuyod a naalaan iti nasurok-kumurang 22.86 a gramo iti shabu nga aggatad ti P155,448.
Iti pannaki-uman ti Bombo Radyo Vigan ken ni PLt. Arnel Valdez manipod Galimuyod Municipal Police Station, iti naisayangkat a drug test ket nagpositibo ti suspek a mannalon pakairamanan payen dagiti naala a shabu kenkuana.
Segun ken ni Valdez, saanda a ninamnama a makaalada iti kasta a kaadu a droga ta P2,000 laeng iti gatad ti insaganada a gatangen ti polis a nagpammarang a buyer.
Ti naala a droga manipod ti suspek ket naipan iti siam a heat-sealed transparent plastic sachet a nagserbi a buy-bust item ken possession.
Dagiti non-drug evidence a naala manipod ti suspek ket ti P1,000 bill a buy-bust money; dua a piraso iti P500 boodle money a nagserbi a buy-bust money; dua a glass pipe; maysa a glass water pipe babaen ti liquid residue; maysa nga improvised tooter; maysa a bassit nga aluminum box; maysa a black pocket size weighing scale; maysa a black eye glass case; maysa a refillable lighter; dua a piraso iti cellphone; maysa a bamboo woven pouch; maysa a black pouch; maysa a black belt bag; dua a piraso iti lighter; maysa a bassit a transparent zip lock a naglaon iti 13 empty transparent plastic sachets; maysa a transparent bubble wrap; maysa a piraso iti white plastic sachet a naglaon iti 117 empty transparent plastic sachets; maysa a nalukot nga electrical tape; dua a piraso iti getteng; maysa a piraso iti steel ear wax remover; maysa a piraso iti pink paper; maysa a karton ti sigarilyo nga adda lima nga stick ti sigarilyo; dua a piraso iti straw; maysa a black cellphone pouch; maysa a black pouch; maysa a black bag pac; maysa a unit iti Honda RS motorcycle; Philippine peso bill a P970 ken barya a P204.
Ballaag ni Valdez kadagiti agar-aramat nga isardengdan ti panagaramid iti illegal nga aktibidad ta amangan nu isudan iti sumaruno a makemmeg ta siguradoenna a saanda nga ipalubos iti panagraira ti illegal a droga iti nasao nga ili.
