Nasurok 1.5 million nga Afghan ti napilitan a nagsubli idiay Afghanistan ita a tawen ta napapanawda idiay Iran ken Pakistan kasaruno iti uppat a tawen manipod sinakuo ti Taliban ti Kabul kas kinuna ti United Nations (UN).
Maibasar iti listaan ti International Organization for Migration (IOM) ket 700,000 a nagtaud manipod Iran, a kaadoan ket napilitan a nagbakwit gapu iti kimmaru a kampania ti gobierno kontra kadagiti Afghan pakairamanan dagiti pammabasol a panag-espiya.
Mapatta-patta a dua a million manipod innem a million nga Afghan idiay Iran ket awanan ti legal a dokumento ken binilin iti Iran nga agsubli iti pagilianda.
Idiay nga idiay Pakistan ket napadaras ti panangpapanaw kadagiti Afgan refugee kalpasan ti pakaammo a saanen a mayatiddog dagiti Proof of Registration cards-da.
Gapu dayta ket ad-adu pay ti manamnama nga Afghan ti agawid iti pagilianda.
