Bimmaba iti nasurok 5% ti presyo iti langis iti nasapa a trade iti Asya idi Lunes gapu iti posible a tulagan iti nagbaetan iti United States ken Iran a mangleppas iti tensyon idiay Middle East, uray pinasingkedan ni US President Donald Trump a saan pay nga insigida a mapasamak.
Agingga idi Domingo ket bimmaba ti presyo ti Brent Crude iti 5.1% iti %$98.22 kada bariles idinto a ti West Texas Intermediate (WTI) ket bimmaba iti 5.2% iti $91.57 kada bariles.
Segun ken ni Trump, pinakaammoanan dagiti representatives-na a saan nga agdardaras iti deal ta dumanon to latta iti kanitoda.
Nangrugi iti tensyon kalpasan iti panagatake iti Amerika ken Israel idiay Iran idi February 28 a nagbalesan iti Iran babaen ti missile ken drone attacks iti agduduma a paset iti rehiyon.
