VIGAN CITY- Naipaagas idiay Ilocos Sur District Hospital (ISDH) -Narvacan dagiti nagkalubbon ti motorsiklo a da Jaycie Angeles,agtawen ti 21 ken Joey Angeles, agtawen ti 20 ,agpada a taga Ampandula, Santa ta nasapgid ida ti kurong-kurong a minaneho ni Willy Feria, agtawen ti 39 ken taga Brgy. Cabittaogan , Sta. Catalina idiay national highway ti Brgy. Basug, Santa.
Maibasar iti report, agpaamyanan ti motorsiklo a minaneho ni Jaycie Angeles idi sinapgid ida ti kurongkurong a nang-overtake kadakuada.
Iti sabali a bangir, naitaray met idiay Candon General Hospital ti nagmaneho ti motorsiklo a ni Maynard Goze, agtawen ti 37 , karpintero ken taga Barangay Elefante, Banayoyo gapu iti pannakasapgid na ti Toyota hilux a minaneho ni Ronald Banasan ,agtawen ti 35 iti barangay road idiay Barangay Lintic, Banayoyo.
