Umaboten iti 2,888 iti nag-apply iti Ilocos Sur para iti maisayangkat nga August 9, 2026 Career Service Examination – Pen and Paper Test (CSE-PPT).
Iti pannaki-uman ti Bombo Radyo Vigan ken ni Marina Garcia a Provincial Director iti CSC-Field Office Ilocos Sur, 1,288 iti nag-apply idiay Candon idinto a 1,600 iti Vigan.
Kinunana nga adda pay nabatbati a tallopulo ket pito nga slot idiay Candon idinto a limapulo iti siudad ti Vigan.
Impaganetgetna kadagiti agkalikagum a maka-exam inton August 9 a kumamakam iti aplikasyon ta agingga June 10 pay iti application period ngem no kas bilang naalan amin nga slot ket agserran ti aplikasyon.
Pinasingkedanna a gapu ta 4-day workweek iti CSC office ket inton Lunes da laengen nga agawat manen iti aplikasyon isu nga allukoyenna dagiti kayatna iti ag-exam nga aboten ti nasao nga aldaw tapno makarehistro met laeng.
