Maysa a paglakwan idiay Barangay Bagani Campo, siudad ti Candon ti natakawan iti gatad a P150, 000 a kuwarta.
Ti biktima ket agtawen ti uppat a pulo ket maysa , negosiante, residente ti nadakamat a barangay.
Ti met suspek ket agtawen ti tallopulo ket dua, karpintero residente met laeng iti nasao a siudad.
Segun ti biktima, agarup alas-9 ti bigat idi kalman, nakitanan iti aluminum cabinet iti uneg ti paglakwan na a nakalukat ken mapukpukawen ti naka-bundle a kuwarta nga aggatad ti P150, 000.
Babaen ti panang-review ti biktima iti CCTV footage a nakamontar iti paglakwan, nakita na nga adda maysa nga indibidwal a nangtakaw ti kuwarta.
Nangisayangkat ti hot pursuit operation ti Candon City Police Station ket nakemmeg ti suspek idiay Barangay Bangar, no sadino dijay ti pagtrabtrabakwan ti suspek.
Addan iti kustodiya ti suspek para ti naan-anay nga imbestigasion.
