--Ads--

Naipilan ti kaso kontra iti lalaki a nagtakaw iti maysa a variety store idiay Barangay Sabangan, San Juan idi rabii ti Nobiembre 13, no sadino ket nakemmeg iti pagtaenganna.

Iti pannaka-uman ti Bombo Radyo Vigan ken ni PMaj. Medel Perinion, nakumpirmaran ti suspek babaen ti pannakaisayangkat ti hot pursuit operation ket nakitada a nabedbedan iti ima ti suspek iti lupot ken addan iti dunor, pammaneknek iti panangdanogna iti sarming a tawa ti tiendaan, ken agur-uray ti lugan a pumanaw iti lugarda.

Inannayonna pay nga addan iti kustodiya ti San Juan MPS ti suspek ket agdama a nakaibalud, bayat a maiyur-uray ti commitment order para iti pannakaiyakarna iti provincial jail.

Maipalagaip a pinasingkedan ti biktima a nabigbigna ti suspek gapu ta maysa daytoy a regular customer, ken pasaray gumatang ti sigarilyo iti tiendaanna.

-- ADVERTISEMENT --