--Ads--

Pinasingkedan ti Sta. Maria Municipal Police Station a natalgeden ti kasasaad dagiti dua a lalaki iti napasamak a pammagsol idiay Barangay Silag, Sta. Maria, Ilocos Sur, no sadino agpada a nadunor ti biktima ken iti suspek.

Iti pannaka-uman ti Bombo Radyo Vigan ken ni PCpt. June Molina, pinasingkedanna a natalgeden ti kasasaad dagiti dua ngem agtaltalinaedda pay laeng iti balay pagagasan.

Innayonna pay a nabigbigen ti naaramat a patadem iti pammagsol kas maysa a balisong.

Agtultuloy pay laeng ti imbestigasion ti pulisia tapno maamuan ti nakaigapuan ti riri iti aguliteg, bayat a saan pay a naipaima ti naaramat a patadem iti pulisia.

-- ADVERTISEMENT --

Maipalagip a napasamak ti pammagsol iti maysa a pumpon no sadino pinadas a pagsardengen ti biktima iti suspek ken ti kaanakanna ngem isu ti nagbalin a puntiria ti suspek.