--Ads--

Nangipaay ti naimpusuan a pammadayaw ken pammigbig ni Ilocos Sur Governor Jerry Singson ken ni dati a Presidente Elpidio Quirino bayat ti pananglaglagip iti maika-136 nga anibersario ti pannakayanakna iti probinsia ti Ilocos Sur.

Iti mensahena, impaganetget ni Singson ti napateg a tawid ni Quirino iti pagilian, partikular ti kinatibkerna iti sango dagiti karit ken dedikasionna nga agserbi iti umili a Pilipino.

Binigbig pay ti Gobernor ti akem a panangisubli ni Quirino ti pagilian kalpasan ti maikadua a nainlubungan a gubat, pakairamanan ti kappia, urnos, ken rehabilitasion ti ekonimia.

Impaganetgetna pay ti kinapateg ti pannakarepaso ti lagip gapuanan ni Quirino kas inspirasion iti sumaruno a hererasion, angruna iti benneg ti panangidaulo ken serbisio publiko.

-- ADVERTISEMENT --

Karaman pay ti panangipaay iti pammadayaw iti dati a presidente kas panangbigbig iti kontribusionna iti pagilian ken dagiti pinataudna iti probinsia ti Ilocos Sur.