Innem ti nadangran iti panagdinnungpar ti traysikel ken motorsiklo idiay Brgy. Langlangca 2nd, siudad ti Candon.
Ti traysikel ket minaneho ti agtawen ti tallopulo ket lima, inlugan na ti agtawen ti limapulo ket lima ken dua a menor de edad, agpapada a residente ti Brgy. Caterman, ti nadakamat a siudad.
Ti met nagmaneho ti motorsiklo ket agtawen ti limapulo ket maysa, construction worker, awan ti driver’s license na, kalubbon na ti agtawen iti duapulo ket dua, agpada a residente ti Brgy. Dan-ar, Candon City.
Agpapa-laud a direksion ti traysikel iti barangay rad idinto a ti motorsiklo ket agturong iti amianan a direksion iti national highway ket idi nagteng da ti nakapasamakan ti insidente, kellaat a simrek ti traysikel iti national highway nga isu ti rason ti panagdinnungpar da.
Nadunor amin dagiti karaman iti insidente a dagus da a naipan iti balay pagagasan para ti naan-anay a pannakatamingda.
Naammuan a naka-inom ti arak iti nagmaneho ti traysikel iti napasamak ti insidente.
