--Ads--
Binilin ti Department of Education dagiti field offices-da ken dagiti pagadalan a suportaran ti kualipikado a Junior High School ken Senior High School learners ken completers iti panag-apply iti Career Service Examination – Pen and Paper Test (CSE-PPT) inton August 9, 2026.
Dayta ket kasaruno iti opisyal a panangbigbig ti Civil Service Commission (CSC) dagiti nagturpos iti K-12 para ii first-level government eligibility.
Gagem ti addang a maaddaan ti oportunidad ti learners ken graduates a makastrek iti serbisyo publiko ken makaala iti trabaho iti gobierno.
Maisayangkat ti examination inton August 9, 2026 idinto a ti application period ket manipod May 14 agingga June 10, 2026.
-- ADVERTISEMENT --
