Nasurok-kumurang tallopulo nga Overseas Filipino Workers (OFW) ti nagturong iti headquarters ti Department of Migrant Workers (DMW) idiay EDSA-Ortigas tapno ipakaammo ti pannakadismayada iti nabuntog a proseso para ti panagbayad ti claim-da manipod kadagiti Saudi firms ken uray ti awan nga impormasyon ti estado ti sumagmamano a claims.
Segun ti DMW, iti agdama ket 1,500 a tseke ti naiteden ti gobierno iti Saudi.
10,554 claimants iti listaan ti DMW nga isu kadagiti napaawid idi 2016 kalpasan ti financial collapse dagiti dadduma a Saudi construction companies.
Amin a nagturong idiay DMW ket paset ti listaan ti ahensya ngem kaadoan ket nareject idinto a dagiti dadduma ket naawanandan ti namnama ta walo a tawendan nga inur-uray.
Kabayatanna, kadagiti dadduma a Saudi claimant ket pimmusayen.
