VIGAN CITY- Idatag ita nga aldaw ti kampo ni “ousted” Chief Justice Maria Lourdes Sereno iti motion for reconsideration na inaig iti desisyon ti Korte Suprema iti inpila a quo warranto petition ni Solicitor general Jose calida.
Ti pannaki-uman ti Bombo Radyo Vigan ken ni Atty. Josa Deinla, maysa kadagiti pannakangiwat ni Sereno, maysa kadagiti puntos a nakaikabil iti mosyon ket iti panangigunam-gunam da a nalabsing iti karbengan ni Sereno iti due process ken nairamanen dagiti sumagmamano a kapanunutan iti opisyal inaig iti desisyon ti korte.
Innayon ni Deinla a saan nga umabot iti nasurok a sangagasut ket lima pulo a kabulong iti ipila da a mosyon, saan a kas iti inparuwar ni Associate Justice Noel Tijam a desisyon inaig iti nasao a petisyon.
Kabayatanna, iti laksid a tinutukan ni Sereno iti panangbukel da iti mosyon nga ipila da ita nga aldaw ket napagdesisyunan na a saanen a sumurot nga agipila ta pinusgan na dagiti abogado na nga isundan iti mapan iti korte.
