Nadunor ti nagmaneho iti motorsiklo kalpasan a naidungpar iti nakaparking a minibus iti Barangay Road idiay Sabangan, Sinait, Ilocos Sur idi rabii, May 29, 2026.
Ti nagmaneho ti red Honda XRM motorcycle ket lalaki nga agtawen iti tallopulo, baro, butcher nga agnaed idiay Barangay Sabangan, Sinait
Sakbay iti insidente ket agpapalaud a direksyon ti motorsiklo idin nadanonna iti agpababa a paset iti kalsada ket aksidente a nadungparna ti minibus a “Herbert” a nakaparking iti right portion iti kalsada a nakasango iti laud a direksyon.
Gapu iti impact ket nagsagaba ti dunor iti ulo ken nagasgasan iti agduduma a paset ti bagi ti driver ti motorsiklo isu a naipan iti Ilocos Sur District Hospital-Sinait babaen kadagiti nagresponde a kameng ti Philippine National Police, Bureau of Fire Protection ken Municipal Disaster Risk Reduction and Management Office para iti pannakatamingna.
