Saan a napagpatangan ti agtultuloy a tension idiay Middle East ti nagbalin a taripnong ni Presidente Ferdinand Marcos Jr ken dagiti US Defense officials a napasamak idiay New York, Amerika.
Segun ken ni Palace Press Officer ken Presidential Communications Office Undersecreatary Atty. Claire Castro, nakapokus ti taripnong iti panangpapigsa ti Philippines–United States Defense Partnership ken saan nga iti sitwasion idiay Middle East.
Pinasingkedan ni Castro a pakairaman ti napagpapatangan ket ti nakatuding a Balikatan Exercises iti nagbaetan ti militar ti Pilipinas ken Amerika kasta met ti agtultuloy a panangipatungpal ti Mutual Defense Treaty ti dua a pagilian.
Iti nadakamat a panagbisita, nakipagkita ni Presidente Marcos ken ni US Undersecretary of Defense for Policy Eldridge Colby ken iti delegasion na iti New York.
