Ad-adalen iti Iran ti baro a proposal ti United States tapno leppasen ti rinnupak idiay Middle East bayat a pumigpigsa iti kontrol ti Iran idiay Strait of Hormuz.
Maibasar kadagiti pakaammo ti shipping industry, kinuna ti maritime intelligence firm a Lloyd’s List a nakasarra ti nasao nga strait kalpasan a nangipatungpal iti naing-inget a clearance system iti Iran para kadagiti barko a dumalan.
Mapapati a ti Iran ti mangiyet-eytnag iti baro nga ahensya a manginggem iti panagaprubar ti panagdalan dagiti barko iti ruta a maibilang a maysa kadagiti kapatgan a shipping lanes iti lubong.
Gapu dayta ket mapatta-patta a 1,500 a barko ken nasurok-kumurang 20,000 a tripulante iti na-stranded iti Persian Gulf kas kinuna ti International Maritime Organization (IMO).
Iiti maritime forum idiay Panama, kinuna ti secretary general iti International Maritime Organization a dagiti apektado a tripulante ket dagiti inosente a mangmangged nga ita ket apektado iti geopolitical conflict iti Amerika ken Iran.
