Ngimmato ti lima a porsiento ti unemployment rate iti Pilipinas idi March 2026 kas pinasingkedan ti Philippine Statistics Authority (PSA).
Segun ken ni PSA Usec. Dennis Mapa, katukad dayta iti nasurok-kumurang 2.58 million a Pilipino nga awan ti trabahona.
Nangat-ngato dayta kumparar ti 3.9% idi Marso idi napan a tawen, ngem nababbaba nu yarig iti nairekord a lebel idi Pebrero.
Ti bilang dagiti underemployed wenno kurang iti oras ti trabaho ken agsapsapul iti nayon a pagsapulan ket 12.3% wenno mapatta-patta a 6.02 million a tattao.
Segun ti Department of Economy, Planning and Development, mangipatungpal ti gobierno dagiti addang tapno mapagtalinaed ti trabaho ken mapapigsa ti social protection, job-skills matching, ken reskilling programs kangrunaan para kadagiti apektado iti tensyon idiay Middle East.
