--Ads--
Inallukoy ni constitutional law expert Atty. Michael Henry Yusingco dagiti agpampanday-linteg nga itandudo ti umdas a pondo tapno mapapigsa ti depensa ti Pilipinas imbes a makisinnungbat kontra China.
Impaganetget ni Yusingco a kasapulan a mapondoan ti AFP Modernization Program ken Self-Reliant Defence Posture Program tapno mapapigsa ti kabaelan ti pagilian iti militar.
Segun iti eksperto, usaren koma dagiti agpampanday-linteg ti impluwensiada a mangitandudo iti umdas a badyet para iti Philippine Navy ken mangkissay iti pagkurangan ti pigsa ti militar ti Pilipinas ken tapno mapabileg ti kabaelan a lumaban ti puersa militar ti Pilipinas iti China.
