Indagadag ti Pilipinas ti pannakitinnulong iti United Arab Emirates (UAE) tapno maibangon ti strategic oil storage hub a makatulong a mangsalaknib kadagiti konsyumr manipud iti kellaat a panagngato ti presio ken kinakirang ti suplay ti petrolyo.
Indauluan ni Senate Committee on Energy Chairman Sen. Erwin Tulfo ti taripnong kadagiti opisial ti UAE idi Oktubre 29, bayat nga imbaga ti Abu Dhabi National Oil Company (Adnoc) ti kinatulokda nga ituloy ti proyekto.
Segun ken ni Senate President Sherwin Gatchalian, situtulok ti Adnoc a mangsakup iti gastos iti pannakaibangon dagiti tangke ken pagidulinan iti petrolyo no mangipaay ti Philippine National Oil Company (PNOC) iti maitutop a daga.
Ti proyekto ket nairanta a mangrugi iti maikadua a kuarter ti 2027, idinto a makinegosio pay laeng ti dua a dasig iti lokasion, imprastruktura, katulagan ti negosio ken eskediul ti pannakaipatungpal.
