VIGAN CITY – Impasigurado ni Governor Jeremias “Jerry” Singson a mapadayawan dagiti mangngalap a nakaalaw ken nagisurender kadagiti nagsasaruno a nasarakan a shabu iti kabaybayan a sakupen iti probinsia iti Ilocos Sur.
Iti pannaki-uman ti Bombo Radyo Vigan ken ni Governor Singson, napalaus ti panagyamanna ta saan a naginteresan dagiti mangmangalap dagiti nakitada ket impakaammoda kadagiti otoridad dagiti nasarakanda nga illegal a droga.
Segun ken ni Gov. Singson, ipaayanda ti monetary award dagiti mangngalap kas sukat ti inaramidda a kinaimbag ket saanda a naiirap iti madi nga aramid.
Allukoyenna amin a mangngalap a nu bilang adda masarakanda met a kontrabando ket ipakaammo laeng kadagiti otoridad tapno matignayan ken saan a gappuanan ti madi nga aramid iti probinsia a mabalin a mangdadael kadagiti umili.
VIDEO – GOV JERRY SINGSON
