Nadunor ti drayber ti dua a motorsiklo ken ti back rider-na a pakairamanan ti maysa a sangapulo a bulan a maladaga.
Ti drayber ti Bunos ket agtawen ti tallo pulo ket uppat, residente ti Barangay Nambaran, Sto Domingo Ilocos Sur kadwua ti backrider ken live in partner-na nga agtawen ti sangapulo ket siyam ken ti sangapulo a bulan a maladaga.
Ti met nagmaneho iti Aerox ket agtawen ti duapulo ket siyam, residente iti Barangay Paras, Santo Domingo Ilocos Sur.
Iti pannaki-uman ti Bombo Radyo Vigan ken ni Plt. Victorino Harold Baquirin, agapada nga agpadaya a dikresiyon dagiti dua a motorsiklo idi nag-overtake ti drayber ti Aerox a gapuanan ti pannakadungparna iti Bunos.
Segun kenni Baquirin, nagsagaba ti pannakadunor ti nadumaduma a paset ti bagi ti drayber ti Bunos ken ti backride-na, idinto a nagsagaba iti sugat ti agong ken panagdaringungo ti drayber ti Aerox.
Kasta met a nagsagaba ti sugat iti muging ti sangapulo bulan a maladaga a naitaray dagiti biktima iti balay pagagasan tapno maipaay iti naan anay a pannakataming kadakuada.
