Nabayag nga imon-monitor dagiti pannakabagi ti linteg ti suspek a nakemmeg iti naiwayat a buy bust operation idiay Barangay Lira, San Juan, Ilocos Sur.
Ti suspek ket lalaki, mannalon, agtawen iti uppat a pulo, agnaed iti Barangay Baliw, San Juan, maibilang nga Street Level Individual.
Iti pannakiuman ti Bombo Radyo Vigan ken ni PCPT Medel Perinion, nabayag da nga imon-monitor ti suspek ken na-verify pay nga umuna iti PDEA dagiti impormasion a maalala iti intelligence report.
Naala manipud iti suspek ti mapapati a shabu nga aggatad iti P107,943.20, a naikabil iti lima a piraso ti heat-sealed transparent plastic sachet a nagserbi kas buy-bust item ken possession.
Naala pay dagiti dua a P500 buy-bust money, cellphone, lighter, wallet, tulbek, ken dadduma pay nga alikamen, argaman ti maysa a motorsiklo.
Iti agdama, mannarimaan ti pannakaisimpa dagiti dokumento para iti pannakaipila ti kaso a panaglabsing iti Republic Act 9165 wenno Comprehensive Dangerous Drugs Act of 2002 a sangoen ti suspek.
