Nakipaset ti Technical Education and Skills Development Authority – Ilocos Sur iti World Café of Opportunities 2026 kas paset iti Handog ng Pangulo: Serbisyong Sapat para sa Lahat Service Caravan 2026 iti Tagudin Farmers Civic Center iti Tagudin, Ilocos Sur.
Iti pannaki-uman ti Bombo Radyo Vigan ken ni Crescencia Boac, ti aktibidad ket maysa a one-stop shop ken gundaway para iti amin a kayatna ti makasapul ti pagubraanna babaen ti panagkinnammayet ti TESDA ken Department of Labor and Employment.
Gagem pay ti aktibidad a mayasideg iti publiko ti nadumaduma a programa, serbisio, ken oportunidad manipud iti gobierno, agraman dagiti serbisio a pagbiagan.
Nangipaay ti TESDA iti impormasion ken assistance mainaig kadagiti scholarship programs, TESDA Skills Passport, ken skills training kas ti Foot Spa.
Malaksid dayta, naipaay pay ti libre a health and wellness services kas ti massage, manicure ken pedicure para kadagiti dimmar-ay.
