Naaresto ti maysa a lalaki iti Sitio Namnama, Brgy. Tamorong, Sta. Catalina, Ilocos Sur, gapu iti illegal discharge of fire arm.
Ti suspek ket agtawen ti innem a pulo ket tallo, residente ti Sitio Namnama, Barangay Tamorong Sta. Catalina Ilocos Sur.
Iti pannakiuman ti Bombo Radyo Vigan kenni PCAPT Marlon Martinez, naamuan nga inasot ti suspek ti paltog na manipod iti siket na ket inputok na iti flooring ti covered court iti namin dua a daras.
Segun kenni Martinez, nagprobokar ti suspek gapu iti mapapati a pannaka ubor ti balayna.
Dagus a naaresto ti suspek iti pagtaengan na kalpasan a naireport ti insidente iti opisina ti Pulisya.
Iti agdama, addan ti suspek iti sidong ti Sta Catalina Municipal police station tapno sangoen na ti kaso a naipila kontra kenkuana.
