--Ads--
Winaswasen ti Office of the City Prosecutor idiay Makati ti reklamo nga slight illegal detention, unlawful arrest ken physical injuries kontra kadagiti aktres a da Rhian Ramos ken dagiti beauty queen a da Samantha Panlilio ken Michelle Dee gapu iti kinakurang ti ebidensia.
Ti reklamo ket impila ti dati a drayber ken personal assistant ni Ramos a ni alyas “Totoy”, a napabasul met a nagtakaw kadagiti sensitibo a ladawan da Dee ken Panlilio.
Segun ken ni Atty. Maggie Abraham-Garduque, naragsakanda iti decision ta namnamaenda a rummuar ti kinapudno iti nasao a patangan.
Kabayatanna, pinaglibakan met dagiti beauty queen dagiti pammabasul, ken nagipila ni Dee iti kaso a perjury ken qualified theft kontra ken ni alyas Totoy.
-- ADVERTISEMENT --
