Inyusuat ti Department of Health – Treatment and Rehabilitation Center Bataan (DOH-TRC Bataan) ken Bureau of Jail Management and Penology (BJMP) Orani ti kaunaan a programa ti drug rehabilitation a naibasar iti pagbaludan iti pagilian para kadagiti Persons Deprived of Liberty (PDL).
Dimmalan ti komprehensibo a rehabilitasion dagiti 24 a PDL nga addaan iti nakaro a kaso ti panagabuso iti droga iti pasilidad ti BJMP Orani.
Ti programa ket nangipaay ti psychosocial, medical ken dental assessment, family-centered interventions, individualized treatment ken livelihood support para kadagiti nakipaset.
Plano ti DOH-TRC Bataan ti mangbangon kadagiti kanayonan a pasilidad para kadagiti babbai, juvenile offenders ken kameng ti LGBTQIAP+ tapno mapalawa dagiti serbisio ken rehabilitasion iti uneg ti pagbaludan.
