Kayat a siguradoen ni Senador Sherwin Gatchalian nga adda umanay a suportar kadagiti mangisursuro iti panangipatungpal ti make-up classes kadagiti aldaw a saan a makastrek dagiti estudyante gapu iti napigsa a tudo ken layos.
Ti addang ket kasaruno ti sarita ti Department of Education (DepEd) iti posible a pannakaipatungpal ti make-p classes tapno makabawi ti learning loos gapu ti class suspension.
Impaganetget ni Gatchalian a nu kasapulan ti make-up classes tapno makarecover dagiti estudyante kadagiti lesson ket saan a rumbeng a parigaten dagiti mangisursuro.
Kasapulan dagiti mangisursuro iti umanay a teaching materials, nalawag a guidance ken proteksyon manipod iti nayon a trabaho.
Impaganetget ti senador a saan a balligi ti learning recovery nu nabannog ken kurang ti suportar dagiti mangisursuro.
