Nagtaripnong ti Malakanyang kadagiti kangrunaan nga ahensia ti gobierno tapno sukisoken ti panangipatungpal ti direktiba ni Presidente Ferdinand Marcos a padarasen ti implementasion dagiti priyoridad a proyekto iti administrasion.
Karaman iti nakipaset iti regular assessment meeting ti Department of Agriculture (DA), Department of Transportation (DOTr), Department of Public Works and Highways (DPWH), Department of Education (DepEd), ken Department of Budget and Management (DBM).
Trinatar dagiti ahensia dagiti isyu iti panagaramat ti budget tapno maikkatan ti deperensiya iti nagbaetan ti pondo a nairuar ken ti aktwal a nagastos kadagiti proyekto.
Segun ken Executive Secretary Ralph Recto, umabot iti P1.287 trilyon ti nairuar a pondo para iti maikadua a quarter ita a tawen.
Pinasingkedan ni Recto a napateg a dagus a marikna ti publiko ti benepisio dagiti programa a pinondoan ti gobierno.
