Siguradoen ti Malakanyang nga adda umanay a pondo iti gobierno tapno tignayan ti kasapulan dagiti naapektaran ti panagalburoto iti Bulkang Bulusan idiay Sorsogon.
Segun ken ni Palace Press Officer Atty. Claire Castro, adda ti standby funds ti gobierno ken nakasagana dagiti relief stockpile iti Department of Social Welfare and Development (DSWD) tapno insigida a maited iti tulong.
Binilin pay ni President Ferdinand Marcos Jr. ni DSWD Secretary Rex Gatchalian nga adalen iti lugar ken siguradoen a nasayaat ti distribusyon iti food packs ken serbisyo dagiti evacuation centers.
Iti agdama ket naka-preposition dagiti food packs ken adda pay ti mobile kitchen idiay Barangay Tughan, Juban, Sorsogon.
Naisayangkat payen ti aerial reconnaissance iti lugar tapno maamwan nu kasano iti kalawa ti naapektaran iti panagalburuto iti bulkan.
