Umabot iti 2,134 a pamilia wenno katukad iti 7,123 nga indibidual ti naapektaran iti napasamak nga uram iti Gate 46, Parola Compound, Barangay 275 Zone 25 idiay Binondo, Maynila.
Arigna amin a pamilia a biktima iti uram ket agtaltalinaed pay laeng iti Delpan Covered Court isu a maipapaayanda iti tulong babaen kadagiti kameng ti Manila Department of Social Welfare (MDSW).
Immunan a naiwaras iti napudot a taraon para kadagiti apektado a biktima iti uram bayat nga agipatpatulod iti food boxes iti Department of Social Welfare and Development (DSWD).
Kadua ni DSWD Secretary Rex Gatchalian ken MSWD Director Jay Dela Fuente a nangisayangkat iti panagiwaras ti Ready-to-Eat Food Packs para kadagiti pamilia a naapektaran iti uram.
Agtultuloy iti koordinasyon iti MDSW ken DSWD tapno masigurado ti insigida a pannakaipaay ti tulong ken suportar kadagiti pamilia a naapektaran iti uram.
