Pinasingkedan ni Representative Francisco Paolo Ortega V iti Kamara a nakapasa iti sufficient in form ken nasken nga agtuloy iti sumaruno nga addang ti maika-uppat nga impeachment complaint kontra ken ni Bise Presidente Sara Duterte.
Iti panagdenggeg ti House Committee on Justice nga idadauloan ni Chairperson Jervil Luistro, pormal nga impresentar ni Ortega ti naawagan a Cabrera complaint.
Impasa da ken ni Rep. Bienvenido Abante Jr. ti Resolution of Endorsement idi Pebrero 18 a nasapataan iti sango ni Secretary General Atty. Cheloy Velicaria-Garafil.
Impaganetget ni Ortega a ti reklamo nga impila mismo ti complainant a ni Atty. Nathaniel Cabrera ket duly verified ken duly notarized.
Pasado daytoy iti Rules of Procedure in Impeachment Proceedings iti komite gapu ta nalawag a dagiti akusasion ken naka-basar iti personal knowledge ken authentic documents.
