--Ads--
Plano ti National Food Authority nga ingato ti buying price ti lokal nga irik tapno matulongan dagiti mannalon a magtengan ti panagpangina ti gastos iti produksion.
Segun iti Department of Agriculture, gumatang ti NFA iti wet palay iti P22 kada kilo ken dry palay iti P27 kada kilo iti panangrugi ti panagaapit.
Gagem ti addang a maituding ti patas a presio iti industria ken masigurado nga adda latta pastrek dagiti mannalon uray nangina ti gastosda iti abono ken krudo.
Agsagsaganan ti NFA para iti sumaruno a panagaapit inton Setyembre babaen iti panangpalawa ti espasio kadagiti bodega, pananggiling kadagiti daan a rice buffer stock, ken panangsuporta iti programa ti DA a P20 kada kilo ti bagas.
-- ADVERTISEMENT --
