Inruaran ti Land Transportation Office (LTO) ti Show Cause Order ti driver ti lugan ti Land Transportation Franchising and Regulatory Board (LTFRB) kalpasan a nag-counter flow.
Nagmaniobra iti bangir a direksyon ti driver a maibilang a panaglabsing iti linteg trapiko ken posible nga agresukta iti nakaru a peggad iti dadduma pay a motorista.
Gapu dayta ket mapapaayaban dagiti karaman iti insidente iti Intelligence and Investigation Division tapno agipasa ti verified a sarita wenno komento no apay a saanda a rumbeng a sumango iti reklamo ken maibabawi iti lisensya.
Kabayatanna, nasuspenso iti siam a pulo nga aldaw ti driver’s license ti driver iti LTFRB vehicle idinto a naidalan ti alarm status ti lugan bayat a maisausayangkat iti imbestigasyon.
