Masapul nga siguradoen ti gobierno no naan-anay ti subsidiya iti transport sector sakbay nga ipatungpal ti aniaman a nayon a plete, segun ken House Committee on Transportation chair ken Quezon City 3rd District Rep. Franz Pumaren.
Pinasingkedan ni Pumaren a masapul a panunuten saan laeng a ti kasasaad dagiti tsuper ken operator ngem kasta pay ti kabaelan dagiti commuter nga agbayad iti nangato a plete.
Iti agdama, nakapenpen iti Land Transportation Franchising and Regulatory Board (LTFRB) ti sumagmamano a petision, pakairamanan ti gakat a maingato iti agingga P25 ti minimum a plete iti jeepney.
Masapul nga umuna nga i-maximize ti agdama a tulong ti gobierno kas ti fuel subsidy, discounted fuel, per-kilometer assistance kadagiti operator ken drayber, ken 20% discount benefits.
