Panaglabsing iti Republic Act 7394 wenno ti Consumer’s Act ken Republic Act 7581 wenno ti Price Act ti sangwen dagiti tallo a nagilako iti overpriced alcohol a nakemmeg iti nagsisina nga entrapment operation.
Dagiti suspek ket da Flory Mae Micu, agtawen ti duapulo ket innem a taga-Tamurong, Candon City; Evangeline Bautista, agtawen ti uppat a pulo a taga-Brgy Sta. Cruz, Sinait; Gemma Trondillo Garayan, agtawen ti uppat a pulo ket tallo a taga-Brgy. Poblacion, Norte Salcedo; Lhe Ann Cudiamat, agatwen ti duapulo ket tallo nga agnaed idiay Brgy. Cubcubuot ken ni Desiree De Guia Garcia, agtawen ti duapulo ket tallo a taga-Brgy. San Jose, Candon City.
Segun ken ni Police Major Millenium Bantas iti CIDG-Ilocos Sur, umabot ti uppat a pulo a ribo a pisos ti gatad dagiti sanitizer ken alcohol nga ilaklako dagiti suspek babaen iti social media.
