Inallukoy ni Senate President Francis Escudero iti Department of Foreign Affairs (DFA) a mangipaay ti legal assistance kadagiti dadduma a Pilipino a nakabalud iti ballasiw-taaw tapno masigurado a mawaya-wayaanda.
Mangnamnama ni Escudero a ti kaso ni Mary Jane Veloso ket umuna kadagiti balligi a pannakitinnulong iti gobierno kadagiti Pilipino a sumangsango kadagiti kaso iti agduduma a pagilian.
Impaganetget ti senate leader a rumbeng a marikna dagiti mangmangged a Pilipino iti agduduma a pagilian iti gobierno ken salaknib tapno maipaay iti tulong kadakuada.
Kinunana a masapul nga agtinnulong iti DFA ken Department of Migrant Workers tunggal adda kaso dagiti Pilipino a sangsangwenda iti ballasiw-taaw.
Paset pay iti tulong iti gobierno iti panangbantayda iti pamilia dagiti OFW tapno masigurado a nasayaat iti kasasaadda.
