Kinumpirmaran ti Department of Foreign Affiars (DFA) nga awan iti naawatda a kiddaw tapno kanselaren wenno suspensoen ti pasaporte ni Senador Ronald dela Rosa iti baet ti patangan maipanggep ti mapapati nga arrest warrant manipod International Criminal Court.
Segun ken ni DFA Spokesperson Analyn Raton, iti salinong ti New Philippine Passport Act, mabalin laeng a kanselaren ti passport kas maibasar kadagiti specific a rason a nakalanad iti linteg, ken saan a karaman dayta iti simple nga isyu iti warrant manipod lokal wenno international court.
Inlawlawag ti DFA nga awan pay laeng iti pagbasaran tapno simpaen ti passport status ni dela Rosa ta awan pay iti naawatda a court order mainaig iti nasao a banag.
No pay kasta ket kinuna ti DFA a mabalin laeng a kanselaren ti passport no adda hold departure order manipod kadagiti otoridad iti Pilipinas wenno ideklarar a pugante ti korte nga akin-iggem.
