VIGAN CITY- Kaso a panaglabsing ti COMELEC Resolution No. 10446 Section 261 wennu inaig ti COMELEC gun ban ken Omnibus Election Code Batas Pambansa Bilang 881 iti sangwen iti maysa a lalaki nga agtawen iti sangapulo ket siyam a nakemmeg idiay Brgy. Salvador Primero, Candon City.
Nabigbig ti suspek a ni John Albert Gambala Toricer nga agnaed iti nasao a lugar.
Ti suspek ket inturn-over kadagiti otoridad da Barangay Chief Tanod Rolando Toricer nga agtawen iti lima pulo ket dua kenni Barangay Tanod Liberato Toricer Gagarin, agpada a naasawaan ken mannalon nga agnaed iti nasao a lugar.
Karaman nga insuko da Toricer kenni Gagarin ti sling bag ti suspek a naglaon ti kitchen knife, knuckle ken maysa a getteng ket naamuan a ti nasao a patadem ket usaren kuma ti suspek a pangbagkong ken ni Liberato.
