--Ads--
Nakemmeg ti maysa a lalaki ta naaktoan iti panagilakona iti shabu idiay Sitio Caloocan, Barangay San Juan, Sta. Lucia, Ilocos Sur, maibilang a cleared barangay.
Ti suspek ket agtawen iti duapulo ket dua, buy and sell agent ken residente iti nasao a lugar.
Naala kenkuana ti drug evidence a nasurok-kumurang 2.55 a gramo ti mapapati a shabu nga aggatad ti P17,340 a naipan iti maysa a medium heat-sealed plastic sachet a nagserbi a buy-bust item.
Ti non-drug evidence a naala ket sangapulo ket lima a piraso iti P1,000 boodle money a nagserbi a buy-bust money; walopulo ket tallo a piraso iti plastic sachet a packet; maysa a unit iti pagkiloan, maysa a lighter ken getteng.
-- ADVERTISEMENT --
