Nakemmeg ti maysa a lalaki a nagpammarang kas pulis iti maysa nga hotel idiay Cubao, Quezon City.
Segun iti Philippine National Police, nagresponde ti kameng ti Cubao Police Station kalpasan a nagkiddaw ti tulong ti hotel security.
Kasaruno daytoy ti reklamo mainaig t maysa a lalaki a naka-uniform ti pulis a maipagarup a manglaplapped ti maysa a negosiante ken binagaan na daytoy ti ‘Huli ka’.
Idi nagresponde dagiti otoridad, nakita da suot ti suspek ti uniporma nga adda insignia ti Police Executive Master Sergeant ken patch a nainaig iti Taguig City Police Station.
Nagpayyam-ammo ti suspek kas operatiba ti Criminal Investigation and Detection Group (CIDG) a naka-destino idiay Camp Crame, ngem awan ti maipakita na a PNP identification card.
Iti beripikasion ti CIDG, naammuan dagiti opisial a saan nga agtunos iti identidad ke assignment nga inted ti suspek.
Gapu daytoy, nakemmeg ti lalaki ken sumangsango kadagiti reklamo gapu iti maipagarup a panaglabsing iti Usurpation of Authority or Official Functions ken Illegal Use of Uniforms or Insignia ti Revised Penal Code.
