Nadunor ti lalaki a nagmotorsiklo ta nakadinnungparna ti maysa a pick iti national highway idiay Barangay Suso, Sta. Maria, Ilocos Sur idi kalman, March 10, 2025.
Ti nagmaneho ti Gray Yamaha NMax ket ni John Philip Recolcolin, agtawen iti duapulo ket innem, baro, security guard, holder iti driver’s license nga agnaed idiay Barangay San Pedro, Narvacan.
Ti nagmaneho ti Black Toyota Hi Lux ket ni Jumar Cariaga Fernandez, agtawen iti uppat a pulo ket maysa, mangisursuro, holder iti driver’s license nga agnaed idiay Brgy. Lanao, Bangui, Ilocos Norte.
Agpapadaya ti motorsiklo idinto nga nga adda iti bangir a direksyon ti pick-up idin nadanonda iti nasao a lugar ket kellaat nga immagaw ti linya ti nakamotor iti ayan ti pick up a gappuanan ti pagdinnungparda.
Gapu ti impact ket naibansag iti mano a metro ti driver ti nakamotor ken uray ti luganna ket naibansag iti shoulder lane agingga naitama iti concrete barrier.
Nagsagaba ti nakamotor iti fracture iti sakana ken nadunor iti nadumaduma a paset iti bagina idinto a saan a naan-ano ti nagmaneho ti pick-up ngem agpadada a naipan iti Ilocos Sur District Hospital – Narvacan babaen kadagiti nagresponde nga MDRRMO – Sta. Maria.
Agpada a nadadael dagiti dua a lugan ngem saan pay nga ammo nu mano ti gatad ti nadadael a paset isu a naipan iti Sta. Maria Municipal Police Station para ti proper disposition.
