Dead on arrival ti maysa a lalaki gapu iti pannalmesna iti karayan idiay Barangay Mindoro, Vigan City.
Ti biktima ket tricycle driver a taga-Caterman, Candon City ngem agtaltalinaed iti agdama idiay Barraca, Vigan City.
Ti met witness ket lalaki nga agtawen iti limapulo nga agnaed idiay Barraca, Vigan City.
Iti pannaki-uman ti Bombo Radyo Vigan ken ni PLt. Col. Reynaldo Mendoza Jr. iti Vigan City Police Station, napan iti karayan ti biktima kaduana ti witness idin sumagmamano laeng a minutos iti napalabas ket kellaat a naipasarubsob ti biktima iti karayan.
Segun ken ni Mendoza, insigida a nagpaarayat ti witness kadagiti otoridad nga adda iti asideg iti lugar isu a naalada ti biktima ket naitaray iti RHU Sta. Catalina ngem saanen a nakalasat.
Naammoan manipod iti pamilia ti biktima nga agmen-maintenance ti biktima gapu iti high blood pressure isu a patienda nga isu iti rason iti pannakai-pasarubsobna.
