--Ads--
Nadunor iti agduduma a paset ti bagi ti maysa a nurse kalpasan a natulid iti kalsada gapu iti pannakadungpar na iti naiwalang nga aso idiay Bypass Road, Barangay Bagani Campo, siudad ti Candon.
Ti nagmaneho ti Honda Click 125 motorcycle ket agtawen ti duapulo ket innem, residente ti Barangay Casilagan, Narvacan.
Basar iti imbestigasion, ti motorsiklo ket agturong iti amianan a direksion ket idi nagteng na ti nakapasamakan ti insidente, nadungpar na ti aso a kellaat a bimmallasiw manipud iti daya a napan iti laud a direksion.
Natulid ti nagmaneho ti motorsiklo ket nadunor iti agduduma a paset ti bagi na a dagus a naitaray iti balay pagagasan para ti naan-anay a pannakatamingna.
-- ADVERTISEMENT --
