Nagballaag ni PCPT. Sherwin Beroña manipud iti San Vicente Police Station kadagiti agtuturong iti kadanuman iti lugarda nga agannad ken liklikan ti mapan iti adalem a paset no saan nga ammo ti aglangoy.
Dayta ket kasaruno ti napasamak a pannakalmes a nakatayan ti maysa a lalaki idiay Bantaoay River, Barangay Pudoc, San Vicente.
Iti pannaki-uman ti Bombo Radyo Vigan ken ni Beroña, napan nakipiesta ti biktima ken dagiti kaduana a naglugan iti rakit ken dimmalyasatda iti karayan.
Iti dayta a gundaway ket bigla a timpuak ti biktima ket pinadasda pay nga alawen ngem gapu it kinaadalem ti karayan ket immabot iti mano nga oras sakbay a nasarakan ti bangkayna.
Naisayangkat ti cardiopulmonary resuscitation para iti biktima idi naalaw agingga a naideklara met laeng a natay.
