Nauram ti maysa a pagtaengan a kubo idiay Barangay Pagsanaan Sur, Magsingal, Ilocos Sur idi rabii iti oras ti alas syete kuarenta, May 18, 2025.
Ti akin-kukua ti pagtaengan ket ni Marcelina Abayarri Ulibas, agtawen iti pitopulo ket walo, balo nga agnaed iti nasao a lugar.
Nakaawat ti tawag ti Magsingal Municipal Police Station mainaig iti uram a napasamak kangrunaan iti pagtaengan ni Ulibas isu a nagrespondeda.
Iti isasangpet dagiti otoridad ket nauramen ti nasao a kubo.
Segun ken ni Ulibas, alas singko y media iti malem a simmangpet ngem isu metten ti pannakakita a nauraman iti kubo a pagnanaedanna isu a nagpaarayat kadagiti karrubana nga agtawag kadagiti otoridad.
Kaaddoan a paset ti kubo ket naaramid a light materials isu a napaspas a nagkayamkam iti uram ken naammoan a nagtaud iti uram iti kayo a poste nga ayan ti pagsaksakan ti ref a mapapati a gapu ti faulty electrical wiring.
Nupay kasta ket awan ti nadangran iti nasao nga insidente ta ti laeng agnanaed iti dayta a pagtaengan ket ni Ulibas.
