Imbasura ti Korte Suprema ti petision kontra ken ni Senador Francis Chiz Escudero nga agkidkiddaw nga ikkaten-bisa ti ruling ti Political Finance and Affairs Department ti Commission on Elections mainaig ti campaign donations a naawat ti senador idi 2022 elections.
Segun iti resolusion ti Korte Suprema, imbasura ti petision ti pribado nga indibidwal a ni John Barry Tayam gapu ti madi a legal remedies ti impila-na.
Ti kaso ket gapu iti decision ti PFAD nga isardeng ti imbestigasion kontra ken ni Escudero ken ti presidente ti Centerways Construction and Development Incorporated a ni Lawrene Lubiano gapu ti kinakurang ti ebidensia iti maipagarup a panaglabsing iti Section 95 ti Omnibus Election Code.
Immunan nga inaklon ni Escudero nga immawat isuna ti P30 milyon a donasion manipud ken ni Lubiano ngem inlawlawagna nga awan ti akem na iti panagala ti ti kompania dagiti flood control projects ti gobierno.
Segun ti PFAD, agsina ti legal a personalidad ni Lubiano iti Centerways ken awan ti ebidensia a naggapu ti pondo ti kompania ii nagbalin a donasion.
