Isayangkat ti Department of Education ti kick off ti National Teacher’s Month celebration inton bigat, September 5, 2024 idiay Candon City, Ilocos Sur kas panangbigbig ti kontribusyon dagiti mangisursuro iti intero a pagilian.
Iti memorandum a napetsaan idi August 15 a pinirmaan ni Undersecretary for Operations Revsee Escobedo, impakaammo ti DepEd Office of the Undersecretary for Operations nga i-host iti Region 1 ti kick-off program iti National Teachers’ Month a maisayangkat iti Candon Arena.
Mangrugi ti month-long series of activities a mangapresyar iti rigat dagiti mangisursuro, dedikasyon ken panang-impluwensya iti panangpasayaat iti masakbayan iti pagilian iti salinong iti tema a “Together4Teachers”.
Kas panagrugi iti selebrasyon ket inallukoy ti DepEd amin a pagadalan, school district offices, Schools Division Offices, ken Regional Offices nga i-advocate ti National Teachers’ Month ken ital-o iti public awareness iti selebrasyon.
Manamnama nga idauluan ti selebrasyon ni Secretary Juan Edgardo Sonny Angara ken dadduma nga Education officials ken pakipasetan iti uppat a pulo a national ken local institutions ken partners iti DepEd.
