Mangnamnama ti senate impeachment court a dagus a marisut ti Supreme Court ti petision a mang-kwestionar iti baro a voting threshold iti impeachment case ni Vice President Sara Duterte.
Segun kenni spokesperson Atty. Reginald Tongol, kayat ti impeachment Court a maaddaan ti desision ti SC sakbay ti final voting tapno nalawag ti agbalin a pagbasaran iti bilang ti botos iti conviction wenno acquittal.
Maipalagip nga idi September 23, pinatibker ti impeachment court ti pannakaibasar iti two-thirds requirement dagiti senator-judges a legal ken actual nga agbotos, imbes a ti automatiko a 16 a botos.
Dua a nagsisina a petision ti naipila iti SC kontra iti desision—ti umuna ni dati nga Executive Secretary Victor Rodriguez ken ti maikadua ni Atty. Ernesto Francisco Jr.
Kabayatanna, agtultuloy ti impeachment trial agingga nga ibilin ti SC a pasardengen daytoy.
