Kinarit ni Senador Panfilo “Ping” Lacson ni DPWH Secretary Vince Dizon nga ilawlawag na dagiti geotagged photographs iti maysa a proyekto iti Taguig City a mapapati a naala iti Tacloban City, Leyte, basar iti bukod a report ti inspection ti DPWH.
Segun ken ni Lacson, dagiti coordinates dagiti retrato ket adda iti ruar ti aktual a limitasion ti proyekto, a mapattapatta nga 600 a kilometro ti kaadayona manipud Taguig.
Dinakamatna pay a ₱13.738 milion ti nairuar kas 15% nga advance payment para iti proyekto idi 2022.
Intudo pay ti senador ti kontraktor a St. Timothy Construction, a kukua ti pamilia Discaya, ken ti AI analysis ti DPWH iti 15,523 a billing photographs a sadiay 1,079 a paris ti na flag gapu iti nangato a visual similarity.
Kinuna ni Lacson nga isu ken ti grupona ket nakaisubmitir dan iti nakurang 45 a case studies iti Ombudsman seknan iti mapapati a systemic irregularities kadagiti flood control projects sadiay Taguig, a madama itan ti fact-finding investigation na.
