Saan a maipagarup a nabaliwan ti naawagan a “Davao Connection” ti sistema da iti confidential funds iti pannakaiyakar na daytoy iti dakdakkkel nga opisina partikular iti Office of the Vice President (OVP) ken Department of Education (DepEd).
Daytoy ti pinasingkedan ni prosecution spokesman Robert Ace Barbers iti panagleppas ti panagdengngeg iti confidential funds kontra ken ni Vice President Sara Duterte.
Sakbay ti OVP ken DEPED ket adda ti Davao City no sadino nagserbi a mayor ni VP Sara ken dituy nga immuna a nagtrabaho dagiti opisial nga adda itan iti national government.
Karaman kadagiti nagserbi idiay Davao City da Atty. Zuleika Lopez kas Office of the Vice President chief of staff, Lemuel Ortonio kas assistant chief of staff, ken Gina Acosta kas special disbursing officer.
Nagserbi pay idiay Davao City ni Sunshine Fajarda ken innala ni Duterte iti DepEd no sadino isuna ti nagbalin nga Assistant Secretary.
